Krige Bond
Lidmaatskap van die Krige Bond maak niemand ’n beter Krige nie! Tog bied dit geleentheid vir dié Kriges wat graag wil meedoen aan die bewaring van ons erfenis. En ons kan dit bereik deur:
Oop oë om nuwe inligting aan die Krige Argief aan te stuur
Oop program om familie byeenkomste en funksies by te woon
Oop harte om ook steun aan die Krige projekte te verleen
Stigting en Konstitusie
Die Krige Bond is op 21 Februarie 1976 in Florida aan die Wesrand gestig. Die eerste vergadering is deur 67 volwassenes en ’n onbekende aantal kinders bygewoon. Na deeglike oorweging het hulle die voorgestelde Konstitusie aanvaar en daarna ’n Bestuur verkies asook ’n Raad van Trustees aangewys.
Bestuur
Die bestuur van 1976 het uit sewe lede bestaan. Hiervan is slegs Johan Krige - die destydse voorsitter - nog in lewe. Op 31 Januarie 2001 is ’n nuwe bestuur op Kanonkop, Stellenbosch aangewys. Dit bestaan uit Johan as voorsittter en vier jonger lede van die Krige Bond.
Alle besluite en tersaaklike korrespondensie op vergaderings en ander funksies is genotuleer en saamgevoeg in die lywige Notuleboek van die Krige Bond. Die jongste bestuursbesluite is op 31 Januarie 2018 geneem en in die Notuleboek geliasseer.
Lidmaatskap
Volgens die Konstitusie kan die volgende persone lewenslank lede van die Bond word:
- Die Krige-gesinshoof – dit sluit sy/haar eggenote en kinders jonger as 18 in.
- ’n Persoon ouer as 18 jaar wie se vader of moeder deur geboorte ’n Krige is.
- ’n Weduwee Krige – al sou sy ’n tweede huwelik aangaan – en haar nuwe man.
Aansluitingsfooi
Persone jonger as 65 jaar
Persone ouer as 65 jaar
Sluit aan by die Krige Bond
Elke nuwe lid ontvang ’n sertifikaat asook ’n nommer wat lewenslank behou sal word. Voltooi asseblief die besonderhede hieronder, en ons sal u kontak met verdere reëlings:
